PGL – Actualmente, 250 alunos e alunas estudam português em 11 escolas do Primário e 25 do Secundário de todo o País. Da associação de Docentes de Português na Galiza, denunciam que se sentem discriminados perante o inglês e o francês no novo decreto da Junta, que regula as actividades dos docentes de níveis nom universitários.
Da associaçom de professores destacam a exigência e o compromisso de criar secçons bilingües nos centros do ESO exclusivamente para os professores de inglês e francês, mas nom para os de português.
«Com esta diferenciaçom, a Conselharia de Educaçom abre um precedente inaceitável ao promover umha exclusom que nom tem fundamento na legislaçom educativa em vigor. Nom existe qualquer razom que justifique que as secçons bilingües desfavoreçam umha língua tam importante para a capacitaçom profissional dos estudantes galegos», explicam.
O português é a língua oficial de oito países e é umha das seis mais faladas no mundo, polo que existe umha demanda crescente na Galiza, porém, do colectivo de professores e professoras explicam que a docência de português se desenvolve em condiçons muito precárias.
