PGL – O Concelho de Vilarinho de Conso, Comarca de Viana, manifestou em pleno a sua total rejeiçom para com as bases do rascunho do decreto do galego, convertendo-se assim no primeiro concelho do País em rejeitar o documento proposto pola Conselharia da Educaçom.
A moçom, apresentada polo BNG, foi aprovada por unanimidade com o apoio do PSOE e do PP, que preside a Câmara municipal. As três forças maioritárias em Vilarinho demandam agora a retirada do texto por considerar umha «agressom à dignidade da nossa cultura que exista um Governo que maltrate e despreze a língua própria do nosso País».
Ainda, BNG, PSOE e PP, instam à Junta a «cumprir com as obrigas estatutárias na normalizaçom da língua própria e a retomar o consenso político e social consagrado na Lei de normalizaçom Lingüística e no Decreto 124/2007»
