PGL – O grupo de teatro Roda Fetillera representará no 4 de Março, na sede do Parlamento Europeu, em Bruxelas, um espectáculo em catalám, basco e galego, com traduçom simultânea para o inglês.
Dous actores e umha actriz de Roda Fetillera serám os encarregados da actuaçom composta basicamente por três poemas da catalã Maria Mercè Marçal, o basco Joseba Sarrionandia Uribelarrea, e o galego Alfonso Daniel Rodríguez Castelao.
A representaçom obedece a um convite para encerrar a conferência sobre a diversidade lingüística: um repto para a Europa, que decorre nesse mesmo dia na capital belga, organizada polo grupo dos “Verdes. Aliança Livre Europeia”.
Roda Fetillera, estreará no Parlamento Europeu o seu novo projecto chamado Lan(d)guages, um espectáculo que analisa a convivência de três línguas no mesmo estado político: o catalám, o basco e o galego.
