PGL – O Fiscal Superior da Galiza, Carlos Varela, apelou ao principio jurídico da discriminaçom positiva, que favorece a língua em inferioridade de condiçons, para que o a co-oficialidade lingüística seja real e efectiva.
Carlos Varela assegura que se nom se acata esta medida, o princípio de igualdade estabelecido pola Constituiçom espanhola nom será cumprido. Por esta razom, Varela exige ao Governo galego que adopte acçons «correctoras» para o galego nom ficar em inferioridade de condiçons.
Varela fizo estas as declaraçons durante o acto anual da Irmandade Jurídica Galega. O fiscal julgou «imprescindível» o diálogo aberto com as assessorias jurídicas das centrais sindicais que ainda nom optárom polo emprego da língua galega no ámbito laboral, e animou os membros da Irmandade a levar o discurso da normalizaçom linguística «ao extremo do exemplo para que se difunda e espalhe» no seu trabalho. Do mesmo jeito, animou as faculdades de Direito das universidades do país para incorporarem nos programas académicos cursos, materiais e medidas de fomento do uso do galego entre os juristas.
Na mesma linha, a Irmandade Jurídica Galega fizo saber à Federaçom Galega de Municípios e Províncias (Fegamp) a necessidade de promover umha nova assembleia de concelhos galegos para “corrigir algumhas carências” que, assegurou Varela, observárom no «escasso» uso da língua galega por parte das assessorias jurídicas e as polícias locais.
+ Ligaçons relacionadas:
- Nace a Irmandade Xurídica Galega para pular pola lingua na Xustiza [Culturagalega.org]
