PGL – Reflexom estratégica sobre a cultura galega é o título do projecto que inicia hoje o Conselho dá Cultura. Como o seu próprio nome indica, a iniciativa pretende analisar, de uma perspectiva ampla, a relaçom entre sociedade e cultura e as possibilidades desta como motor de desenvolvimento.
A análise, coordenada por Xosé López, organizará-se em cinco áreas: Galiza como comunidade cultural, Cultura e mercado, Gestom cultural, Projecçom exterior e Instituiçons e Entidades Culturais.
Cada uma destas áreas contará com a participaçom de destacados especialistas nestes âmbitos. Ademais, a reflexom estará aberta ao conjunto da sociedade mediante um site específico.
No próximo mês de Julho será apresentado um documento com os resultados deste processo, que quer facilitar a formaçom de um “pacto cultural” entre os principais actores e instituiçons do sector.
