PGL – Bieito Lobeira e Ana B. Pontón, deputados do grupo parlamentares do BNG na Câmara galega, denunciam a exclusom do galego no Encontro Xuventude Galicia Net, organizado pola Direcçom Geral da Juventude.
No documento recebido na caixa dos correios do PGL, o BNG denuncia a falta de apoios à nossa língua por parte do Governo do Partido Popular, que margina o galego do maior encontro tecnológico que se fai na Galiza, rachando cumha linha de trabalho anterior que apostava pola promoçom do software livre e o uso normalizado do galego.
Por este motivo, o BNG pergunta:
1 – Por que razom decidiu Direcçom Geral da Juventude excluir a nossa língua de Xuventude Galicia Net?
2 – Considera que o idioma galego nom é apto para as novas tecnologias?
3 – Que motivo levou a obrigar a que os assistentes a este evento tivessem que retirar dos seus computadores a simbologia da plataforma Queremos Galego?
4 – Tem previsto mudar esta atitude em futuros eventos destas características?
5 – Tem previsto cumprir a legalidade e o estabelecido no Plano Geral de Normalizaçom da Língua Galega?
Galiza Nova também criticou a nula promoçom do software livre nesta ediçom, com a desapariçom de postos na extranet nos quais assessoravam os assistentes sobre software livre em galego (como o sistema operacioanl Galinux), ou a reduçom dos obradoiros e actividades vinculadas com o sofware livre em comparaçom com ediçons anteriores.
