PGL – Atendendo à informaçom publicada no Portal Galego da Língua relativa à atitude lingüística da empresa Unión Fenosa-Gas Natural, Bieito Lobeira, representante do grupo parlamentar do Bloque Nacionalista Galego apresentou à Mesa do Parlamento várias pergunta, para a sua resposta escrita.
No documento que recebemos no Portal Galego da Língua, assinado ontem por Lobeira, o grupo nacionalista denuncia o racismo lingüístico patente nos trabalhadores e trabalhadoras da empresa que, numha gravaçom publicada no PGL, espetavam a um galegofalante a sentença:
“Me habla en español porque yo soy española.
O me habla en castellano o acabamos la conversación”
Perante este ataque aos direitos básicos do povo galego, o deputado nacionalista considera surpreendente que umha empresa dessa dimensom (com página web oficial em castelhano, catalám e inglês), que se lucrou historicamente dos recursos naturais da nossa naçom, fortemente subsidiada polos podres públicos e cumha elevada responsabilidade social na Galiza na subministraçom de energia eléctrica, exclua (e despreze) a língua galega da comunicaçom com os seus usuários num país que possui umha língua própria diferente do espanhol.
Por todo isto, estas som as perguntas formuladas à Mesa do Parlamento para a sua resposta escrita:
1 – Que opiniom lhe merece à Secretaria Geral de Política Lingüística a atitude desta empresa em relaçom com os usuários galegos?
2 – Tem previsto, em conseqüência, adoptar algumha medida práctica para corrigir esta situaçom?
3 – Em caso positivo, de que tipo e em que praço?
+ Ligaçons relacioandas:
- Unión Fenosa: «A mí me habla en español, que yo soy española» [PGL, 01/12/2009]
