PGL – O conselheiro da Educaçom, Jesús Vázquez, explicava recentemente que o texto definitivo do vindouro Decreto para o Plurilingüismo no Ensino estará pronto em breve. No entanto, nos últimos dias surdírom novos protestos contra este processo.
Por unha banda, os editores apontárom que nom terám tempo para adaptar os livros de texto à nova normativa, ao que Vázquez respondeu que a maior parte dos mesmos servirám «porque nom se muda todo o sistema».
Nesta linha, o colectivo ultra-espanholista Galicia Bilingüe denunciou que nos impressos para reservar vaga nos centros de ensino para o vindouro curso, nom é permitido aos pais seleccionar idioma para as aulas. Segundo eles, isto incumpre as promessas que o Partido Popular fijo ao próprio colectivo radical.
