PGL – O Novas da Galiza oferece no seu mais recente número (79) umha interessante entrevista com um membro da plataforma Galiza com o Galego, que visa criar umha rede popular de ensino que utilize o nosso idioma como língua veicular.
O projecto vai precisar reunir 3.000 pessoas associadas para lograr concretizar esta ideia. Cada umha contibuiria com entre 100 e 200 euros por ano para pôr em andamento o primeiro centro educativo, ainda que, com o tempo, esperem a adesom de qualquer escola que o desejar se cumprir os princípios fundacionais.
O periódico soberanista de informaçom crítica também amplia informaçons publicadas no PGL sobre multas a activistas polo galego, denunciando em particular o caso de um cámara da plataforma GZvídeos que mesmo apesar de estar acreditado como jornalista do Novas da Galiza foi sancionado com 500 euros por «participar numha concentraçom e posterior manifestaçom […] portando umha cámara de vídeo».
Para este número 79, as informaçons em destaque na capa do periódico som o recrudescimento das mobilizaçons do metal, os recurtes nos direitos da populaçom de origem estrangeira e o fracasso na tentativa de infiltrar pessoas no movimento independentista galego. Outras informaçons relevantes neste último número som diversos conflitos vicinais duramente contestados polas forças policiais, as mobilizaçons do sector leiteiro galego e umha extensa análise sobre as eleiçons europeias.
O periódico completa-se com um novo número do suplemento A Revista (que inclui a habitual colaboraçom humorística da Plataforma Sei o que nos Figestes…), e artigos de opiniom e análises de Jacobe Pintor, Marga do Val, João Aveledo, Pepe Carreiro (humor), Duarte Ferrín, Toni Lodeiro, Francesco Traficante, Valentim R. Fagim e Xan Carlos Ánsia.
 |
 |
Clique em cima das imagens para ver as capas em tamanho grande
+ Ligaçons relacionadas:
