AMC – O Dia Internacional da Mulher Trabalhadora, proposto por Clara Eissner (mais conhecida como Clara Zetkin, polo seu apelido de casada) em 1910 no II Congresso Internacional de Mulheres Socialistas.
Na actualidade o 8 de Março é umha data um tanto festiva para algumhas, mas para outras deve ser recordada polos fortes movimentos de reivindicaçom política e obreira que dérom lugar a sua origem.
Para nós é umha jornada que simboliza a luita pola conquista de direitos, em que as diferenças biológicas nom sirvam de pretexto para nos subordinar nem nos inferiorizar. Umha jornada para lembrar todas as luitas protagonizadas por mulheres ao longo da história e a todas as mulheres que se organizam e continuam luitanto pelos seus direitos.
Por esso desde a Assembleia de Mulheres do Condado (AMC) este ano queremos homenagear às mulheres trabalhadoras galegas com a inauguraçom de umha escultura que será descoberta o Domingo após um acto poético-musical em Salvaterra de Minho.
Acto-Homenagem:
– O Domingo 8 de Março às 12:00h da manhá no passeio do Rio Minho-Parque da Canuda (Salvaterra de Minho).
– Acto poético-musical, no que intervirám Lara Soto (apresentaçom), Belém Grandal («Homenagem à mulher trabalhadora») e a poetisa Concha Rousia.
– As 12:30h descobrirá-se a estátua (construída para a ocasiom), com acompanhamento musical a maos de umha gaiteira e umha percussionista.
Viva o 8 de Março!
Viva a luita das mulheres trabalhadoras!
