PGL – A iniciativa Televisom manipulaçom! aparece da mao de um grupo de pessoas de diferentes sensibilidades preocupadas pola linha de trabalho da CRTVG que entendem que a companhia galega actua em benefício do Partido Popular.
A plataforma é o resultado de um grupo de Facebook criado a partir da entrevista feita polo jornalista Carlos Luís Rodríguez a Carlos Callón no programa Foro Aberto, o que ocasionou umha maré de críticas na internet galega polo tom beligerante do condutor do programa. Por esta razom, a primeira acçom que vai desenvolver a iniciativa é a da recolhida de assinaturas, através da rede, com as que remitirám umha carta ao director-geral da CRTVG reclamando umha mudança de rumo na linha editorial da rádio e televisom galegas.
A iniciativa aparece como resposta à cobertura parcial e tendenciosa feita pola CRTVG em relaçom à manifestaçom de defesa da língua de 18 de outubro que encheu as ruas de Compostela, na que os manifestantes nom perdoárom que nos dias prévios à marcha a TVG mantivesse um silêncio quase absoluto a respeito.
+ Ligaçons relacionadas:
