PGL – A plataforma para a defesa e promoçom da língua galega ProLingua lançará no dia 5 de Fevereiro simultaneamente em mais de 70 localidades de todo o mundo a sua primeira publicaçom, intitulada 55 mentiras sobre a língua galega, coordenada polo professor da Universidade de Vigo Xosé-Henrique Costas. O multi-lançamento será um evento sem precedentes no tecido editorial.
Mais de 180 pessoas partilharám mesa de apresentaçom internacional nas 70 localidades confirmadas, mas, segundo apontam da plataforma, o número de localidades crescerá nas próximas horas.
O evento terá lugar em capitais de Estado, cidades, vilas, cabeceiras de comarca e grandes urbes internacionais como Londres, Lisboa, Buenos Aires, Tübingen, Paris, Nova Iorque, Copenhaga, Bruxelas ou Bethelem.
Segundo os editores, «a obra nasce como resultado contra as difamaçons daqueles que, por complexo, mesquinhe ou ambas as duas cousas, só buscam o esmorecimento da língua própria da Galiza, o galego».
Com argumentos «singelos e clarificadores, sólidos e rigorosos», a publicaçom pretende ser mais um contributo para «ajudar a sociedade galega a compreender e superar as interpretaçons subjectivas e ideológicas, erróneas ou perversas que perseguem o objectivo de deter o caminho da necessária reposiçom e normalizaçom de usos para a língua galega».
+ Ligaçons relacionadas:
- 55 mentiras sobre a língua galega, publicaçom da plataforma ‘ProLingua’ [PGL, 27/01/2010]
