PGL – Na seqüência das II Jeiras sobre a Língua Galega, organizadas pola agrupaçom estudantil Comités, terá lugar esta tarde umha mesa redonda sobre normativas com participaçom do presidente da AGAL, Valentim R. Fagim, e a doutora Pilar Garcia Negro. Será de 16 a 18 horas na Sala 1 do Edifício Miralles, no Câmpus de Vigo.
As II Jeiras sobre a Língua Galega contam com a colaboraçom das vice-reitorias de Extensom Cultural e Estudantes mais a de Relações Institucionais da UVigo, e configuram-se como «umhas jornadas baseadas na música, no humor e no debate sobre questões lingüísticas do galego». Exemplo deste carácter lúdico é o próprio lema, Dá-lhe à língua.
O programa desenvolve-se em quatro jornadas (a primeira delas, ontem), umha mais que na anterior ediçom. Com isto pretende-se abranger outras temáticas e dedicar mais tempo à situaçom da língua galega, explicam dos Comités. Programárom-se em total de sete mesas redondas e um relatório nos quais se tratará a situaçom actual do nosso idioma em diferentes ámbitos. Completa-se a programaçom com quatro actuações e três projecções.
Da organizaçom querem lembrar que estas II Jeiras têm reconhecidos dous créditos de livre configuraçom pola Universidade de Vigo ou um crédito ECTS.
+ Ligações relacionadas:
