PGL – Maurício Castro foi entrevistado polo jornal Galicia Hoxe, depois de ministrar umha palestra nas I Jornadas de língua da Corunha, organizadas pola Associaçom Galega da Língua.
Na palestra, Maurício Castro falou do caso da imposiçom lingüística no Porto Rico, traçando um paralelismo com a Galiza, e propondo para o nosso País um modelo no qual o idioma próprio seja o único oficial ou a língua de preferência, garantindo os direitos dos falantes doutros idiomas.
Segundo o professor Castro, as estratégias adoptadas até o momento em matéria de política lingüística polas diferentes forças de governo, nom deixárom de pôr de manifesto o seu fracasso, portanto chegou o momento de as mudar, olhando para outros modelos “nom utópicos”, mas reais em lugares como o Quebeque ou Flandres.
Nesta linha, Castro fala da incoerência de falar dum “bilingüismo cordial” enquanto as mesmas pessoas apoiárom, nos anos 90, a reivindicaçom do governo do Porto Rico de que o espanhol fosse a única língua oficial, sem renunciarem à aprendizagem do inglês nas escolas.
Ainda, na entrevista, Maurício Castro fala dos processos de standarizaçom das línguas, conceitos como monolingüismo e bilingüismo ou a grande falácia sobre a imposiçom do galego defendida por Galicia Bilingüe.
+ Ligaçons relacionadas:
- Entrevista na íntegra no Galicia Hoxe
- Disponibilizadas na rede a crónica e o áudio da conferência ‘Paralelos; Porto Rico – Galiza’ por Maurício Castro Lopes [PGL, 30/03/2010]
- Porto Rico e Galiza: dois casos práticos para aprendermos sociolinguística [PGL, 01/02/2010]
- Entrevista a Maurício Castro [PGL, 03/08/2009]
- Colectânea de artigos de Maurício Castro no Portal Galego da Língua
- Manual de Iniciaçom à Língua Galega em formato de fácil leitura [PGL, 08/11/2008]
- História da Galiza em banda desenhada (1995) [web de Artábria, 08/11/2008]
- Publica-se o Manual Galego de Língua e Estilo [Velho PGL, 27/11/2007]
- Maurício Castro: «O conhecimento e interesse polo reintegracionismo está hoje mais estendido socialmente» . [Velho PGL, 07/09/2006]
