CC Buril – A passada sexta-feira, 20 de Março, Manuel Rivero estivo apresentando o seu livro De Roncesvales a Compostela em Burela. O autor estivo acompanhado na mesa pola presidenta do Buril, Rosana Val e polo realizador burelao Matías Nicieza.
O acto decorreu a partir das 20:00 horas no Salom de Conferências de Burela e O Buril quijo somar-se, desta forma, às apresentaçons que estám a ter lugar por todo o País com mui boa acolhida. A seguir à apresentaçom houvo umha ronda de perguntas, estabelecendo-se umha interessante conversa entre o público e o autor.
Entre o público contamos com um assistente especial, o ex-eurodeputado e sócio de honra da AGAL Camilo Nogueira, a quem no fim do acto, Bernardo Penabade (ex-presidente da AGAL e sócio do Buril) e Luzia Bouça (vereadora de Educaçom e também sócia do Buril) lhe fijerom entrega do documentário sobre o Modelo Burela, realizado por Matías Nicieza.
