PGL – A Faculdade de Ciências da Educaçom da USC acolherá na tarde da sexta-feira dia 9 de Abril, e em toda a jornada do sábado dia 10, as XX Jornadas de Língua e Literatura, organizadas pola Confederaçom Intersindical Galega do Ensino (CIG-Ensino) e a Associaçom Sócio-pedagógica Galega (AS-PG).
Nas já históricas jornadas, participarám mais de 20 escritores, críticos literários, professores ou investigadores em até 10 seminários, conferências e debates.
Segundo os organizadores, as jornadas tenhem como intuito actualizar e formar os docentes no campo das nossas letras, conscienciar da importância da galeguizaçom do ensino, assim como dar a conhecer as últimas investigaçons, trabalhos e estudos ou pôr em comum como propostas práticas para aplicar nas aulas.
Ademais, no encontro exponhem-se as últimas novidades editoriais galegas e os autores/as poderám assinar as suas obras. As jornadas tenhem solicitada à Conselharia de Educaçom a homologaçom por 11 horas.
Entre os participantes nas jornadas estará Joel Gómez, que proferirá a palestra: Ernesto Guerra da Cal. Aplicaçom dos “Seis poemas galegos” de García Lorca ao ensino de língua e literatura.
