PGL – O Centro Social Aguilhoar de Ginzo de Límia organiza por quarto ano o Festival da Mocidade que acolherá diversos eventos e actividades a decorrer na zona dos vinhos da vila no próximo dia 15 de Agosto.
Desde as 17 horas, o Festival acolherá actividades como a projecçom de documentários centrados em temas de actualidade ou o teatro de rua, mas também exposiçons que recolhem imagens da luita em defesa da terra ou a tradicional feira de colectivos locais. Na jornada ainda haverá tempo para a elaboraçom de murais/expositores e para a foliada polos locais colaboradores da zona de vinhos.
Com a chegada da noite, haverá também umha ceia popular a preço de 5 euros, consistente em churrasco e comida vegana opcional. A seguir, por volta das 22 horas, o Leo i Arremecaghona, os Esquios e os limiaos Zirconia culminarám o Festival oferecendo um concerto na zona dos vinhos de Ginzo.
+ Ligaçons relacionadas:
