PGL – Esta fim de semana inaugura-se o Centro Social da AC Almuinha em Marim. A associaçom celebra a abertura com duas actividades. Assim, na sexta-feira dia 18 de dezembro, desde as 20h00, terá lugar a palestra Centros Sociais na Galiza. No dia a seguir, sábado dia 19, haverá umha ceia (Carne ao caldeiro), cujo prezo é de 10 euros.
Na palestra intervirám representantes de vários centros sociais galegos, como som o C.S. Faísca (Vigo), C.S. Revolta (Vigo), Gentalha do Pichel (Compostela) e um representante da AC Almuinha. A continuaçom haverá umha pequena festa de inauguraçom com petiscos variados.
Já no sábado, dia 19 de dezembro, continuarám as actividades com umha ceia (Carne ao caldeiro). Todas aquelas pessoas que desejem assistir tenhem que comunicá-lo na direcçom de correio a.c.almuinha [arroba] gmail.com ou no telefone (677049789).
Todas as actividades serám abertas ao público, e terám lugar no Centro Social situado na rua Ezequiel Massoni nº 63, baixo esquerda.
A A.C. Almuinha nasceu há quase dous anos com uns propósitos claros, defender e potenciar a nossa língua e cultura e dinamizar a vida cultural em Marim e com o intuito de realizar umha transformaçom social. Assim, da associaçom desenvolveram actividades e festas relacionadas com a língua, o magusto, abertos de bilharda, palestras, roteiros…
