PGL – Especialistas galegos da plataforma empresarial IRI para o multilingüismo alertárom de que a situaçom de ‘crispaçom’ actual da política galega sobre a língua e a falta de ajudas promovidas desde a administraçom provocam impedimentos para o impulso do galego nas empresas como factor diferencial.
Da plataforma lamentam a supressom das ajudas às empresas desde há cinco anos e afirmam que a situaçom política actual a respeito da língua galega prejudica, pois causa os receios da gente que tem um discurso ético sobre as línguas, sustentado na ética do trabalho. Deste jeito, os responsáveis afirmam que o possível potenciador da língua no ámbito empresarial acabará por duvidar e recuar.
Para além do referido, da plataforma apontam que no meio do problema político há um tecido de pequenas empresas que reclamam recursos em galego que aposta por um sentido de comunicaçom multilingue para chegar a toda a potencial clientela, e que vê em perigo a sua estratégia empresarial. Os responsáveis da plataforma, que apelam ao multilingüismo, apontam que há um empresariado moito receptivo que nom está sendo atendido.
Os resonsáveis galegos da iniciativa, representados por Antón Lado, concluem que nos últimos sete anos houvo importantes melhoras já que o galego se equiparou ao espanhol no uso oral nas empresas, mas lamentam que nos documentos escritos, só o dezassete por cento seja feito em galego.
+ Ligaçons relacionadas:
