PGL – Um total de trinta e sete trabalhos fôrom apresentados ao III Certame de Recolha da Tradiçom Oral sobre “Os Tesouros Humanos Vivos”, celebrado pola associaçom Ponte… nas ondas!, que trabalha para a recuperaçom do património imaterial galego-português.
Os trabalhos, que competírom em cinco categorias (ensino primário, ensino secundário obrigatório, bacharelato, ensino profissional e ensino universitário), procediam de vinte e dous colégios da Galiza e Portugal e centrárom-se, principalmente, em aspectos como o refraneiro e as fábulas, a medicina tradicional, as danças e os instrumentos ou os costumes e as festas, entre outros.
O projecto
Ponte…nas ondas! é uma experiência de comunicaçom que desde o princípio fomenta a interacçom entre escolas galegas e portuguesas e ainda de outras partes do mundo, com o objectivo de destacar a cultura comum galego-portuguesa e de procurar elementos culturais transfronteiriços.
+ Ligaçons relacionadas:
