O professor Bernardo Penabade do IES Perdouro de Burela, ex-presidente da AGAL, histórico ativista do reintegracionismo e do ensino, recebeu umha emotiva homenagem na TVG, no programa Quen anda aí?
Penabade foi convidado onte, segunda-feira, ao programa, com a escusa de ter sido aluno do apresentador e humorista Roberto Vilar.
Roberto Vilar lembrou que foi o professor Penabade quem o levou no seu carro até a CRTVG para que se formasse e se preparasse no sector Audiovisual depois de suspender o exame de matemáticas e nom dar acedido à universidade.
A também professora do mesmo centro da Marinha lucense, Karina Parga, e um grupo de ex-alumnos e ex-alunas como Laura Ramos ou Lucía Rivas, entre outros, renderom-lhe umha emotiva homenagem em reconhecimento do seu labor de tantos anos em favor dum ensino inclusivo e do nosso idioma. Impulsor do programa de rádio Proxecto Neo e do projeto de inovaçom pedagógica modelo Burela, o alunado de Penabade sinalou a dedicaçom e entrega do professor.
O vídeo completo pode ver-se aqui.
