PGL – No dia 12 de Dezembro de 2008, às 19h55, chega a Compostela directamente da Argentina o membro de Honra da AGAL, académico da AGLP e grande reintegracionista Higino Martins Estêvez, motor da Associaçom Civil de Amigos do Idioma Galego em Buenos Aires.
O presidente da AGAL e outros membros da entidade reintegracionista, bem como representantes de Edições da Galiza, vam estar presentes na recepçom ao ilustre professor galego-argentino no aeroporto de Lavacolha e acompanharám o seu percurso durante a semana que estará na Galiza.
Higino Martins é a máxima autoridade nos estudos célticos na Galiza, recentemente foi homenageado com o livro Orgulho Galego da Diáspora, co-editado pola AGAL, e agora Edições da Galiza acaba de lançar As Tribos Calaicas – Proto-História da Galiza à luz dos dados linguísticos, trabalho da sua autoria.
No livro, o proessor Martins Estêvez trabalha com a toponimia e os dados linguísticos galegos para investigar e aprofundar no conhecimento das épocas mais longínquas e primórdias do nosso País. Para além da exaustiva pesquisa e informaçom fornecida nos textos, eles vam acompanhados de um mapa explicativo que recolhe as conclusons às que chega o professor Martins Estêvez na sua investigaçom.
Eventos marcados por toda Galiza e Norte de Portugal
Precisamente, diversos eventos marcados entre os dias 13 e 18 servirám para divulgar o lançamento do livro. Destarte, o primeiro está agendado para o sábado dia 13, às 12h00, na livraria Couceiro de Compostela; no mesmo dia 13, às 20h00 o evento decorrerá no Ateneu de Ourense.
Segunda-feira, dia 15, será um dia muito especial para o professor Martins Estêvez, pois será homenageado em Santa Maria de Oia (Baixo Minho) na terra nativa dos seus pais. Já na quarta-feira, dia 17, deslocará-se até ao Porto para dar a conhecer o seu livro na Biblioteca Garret, por volta das 21h30.
Finalmente, na quinta-feira, dia 18, estará a dispor de todos os seus amigos e amigas na livraria Couceiro da Corunha a partir das 20h30, num evento co-organizado pola Agrupaçom Cultural O Facho, regressando já no dia 18 para Buenos Aires.
Programa da homenagem em Oia no dia 15
12h30 Recepçom oficial na Casa do Concelho de Oia e pronunciamento dos discursos de abertura do acto.
13h15 Descoberta de placa comemorativa.
13h45 Jantar oficial.
18h00 Visita ao Mosteiro de Oia.
19h30 Apresentaçom do livro As Tribos Calaicas, na Casa de Cultura de Vila de Suso. Intervenhem: Alejandro Rodríguez Rodríguez, Alcalde de Oia, e Higino Martins.
