PGL – Antes de apresentar o seu rascunho de reforma do galego no ensino, a Junta já tem o aviso de umha possível greve, convocada pola Plataforma Queremos Galego, da que formam parte os colectivos CIG-Ensino, STEG, Comités, Iesga, A Mesa, AS-PG e Sindicato de Estudantes.
A data da protesta dependerá do dia em que o Governo cumpra a sua reiterada promessa de derrogar o decreto que criou o bipartido, ainda que a Plataforma Queremos Galego suspeita que a proposta será apresentada em períodos de férias escolares, para que os alunos nom podam manifestar o seu desacordo de maneira colectiva.
Anxo Louzao (CIG) e Denís Bermúdez (Comités) alertárom de que por vez primeira na história a Junta apostará por um texto que supóm um “passo atrás” na normalizaçom, e o STEG alerta de que há menos material para algumhas aulas em galego. Fran Rei (porta-voz de Queremos Galego e vice-presidente da Mesa) assegura que a pressom social evitou que o PPdeG cumprira com a sua promessa de derrubar o decreto do bipartido em cem dias.
