No sábado, dia 6 de novembro, o Paço da Cultura de Ponte Vedra acolherá um grande convívio da base social da AGAL. Assembleia geral, novidades editoriais, um jantar de confraternizaçom e visita ao posto da associaçom no Culturgal som as propostas para a jornada.
Conforme informado já no PGL, a assembleia começará às 11 h em primeira convocatória (11h30 na segunda). O ponto principal será a apresentaçom dos orçamentos da associaçom para o ano 2015. Devido à importância desta matéria, os sócios e sócias sem possibilidade de se deslocarem até à cidade do Leres poderám igualmente participar delegando o seu voto num outro sócio ou sócia, o qual deve ser notificado em secretaria@agal-gz.org. As pessoas presentes na assembleia só podem levar um voto delegado.
Jantar de convívio
Após a assembleia haverá um jantar de convívio no próprio Paço da Cultura, local onde a AGAL terá umha sala reservada. O bono para o jantar custará entre 12 e 15 € (ainda nom está concretizado) e poderá retirar-se no ponto de informaçom e receçom de visitantes do Culturgal. No entanto, cumpre reservar antes enviando um mail ao endereço logistica@agal-gz.org. Devido a que os lugares som limitados, só se poderá fazer reserva até 4 de dezembro. Como desta vez nom é a AGAL quem reserva diretamente, mas a organizaçom do Culturgal, nom é possíel garantir que poda participar do jantar quem decida nom reservar.
Posto no Culturgal
Durante toda a jornada —também durante a assembleia— a AGAL e a Através Editora terám um posto no Espaço do Livro do Culturgal. O número do expositor é o 16 e a localizaçom aproximada indica-se a seguir:
