PGL – O portal soberanista Galiza Livre publicou na internet dous novos contributos do Especial Relaçons Galiza-Portugal. Nesta ocasiom, o portal recolhe dous estudos sobre a relaçom dos intelectuais portugueses Rodrigues Lapa e Fernando Pessoa com a nossa naçom.
O quarto artigo da série, intitulado Rodrigues Lapa, o militante galeguista de Anadia, recolhe um estudo do professor Isaac Alonso Estraviz publicado originalmente no número 53 da revista Agália (1998).
O estudo do lexicógrafo galego, intitulado A Galiza, os galegos e a língua segundo Rodrigues Lapa, explica a conexom de Rodrigues Lapa com a nossa terra e analisa a sua comunicaçom epistolar com intelectuais galegos como Paulino Pedret Casado, Álvaro de las Casas, Fontenla Rodrigues, Bouça-Brei, Outeiro Pedralho, Monteiro Santalha, Xavier Alcalá, Teresa Barros, Manuel Miragaia Doldám, José Ramom Pena, Carvalho Calero ou M.ª do Carmo Henriques Salido.
O quinto artigo do especial está dedicado a Fernando Pessoa e centra-se na possível galeguidade do heterónimo pessoano Alberto Caeiro. O artigo, que foi publicado originalmente no número 82 do Novas da Galiza com o título “A invenção de Caeiro”, explica que o momento em que foi utilizado pola primeira vez o heterónimo foi na nossa terra, numha brincadeira com a que o português pretendia fazer acreditar a António Ferro que Alberto Caeiro era um poeta natural da Galiza.
+ Ligaçons relacionadas:
- Joám Jesus Gonçales: independência, socialismo e reintegracionismo [PGL, 23/10/2009]
- Especial relaçons Galiza-Portugal (V): Alberto Caeiro, o heterónimo galego de Pessoa?
- Especial relaçons Galiza-Portugal (IV): Rodrigues Lapa, o militante galeguista de Anadia
- Especial relaçons Galiza-Portugal (III): João Jesus Gonçales: independência, socialismo e reintegracionismo
- Especial relaçons Galiza-Portugal (II): A “questão galega” no salazarismo
- Especial relaçons Galiza-Portugal (I): O lusismo do partido galeguista
