PGL – A Mocidade pola Língua resultou ganhadora do Prémio Ângelo Casal, que outorga a Associaçom Cultural Fontaira, promotora da Galicola. A quantia do prémio é de 356 euros, que correspondem aos 5% das vendas desta bebida desde o passado mês de novembro.
Como em seu dia noticiou o PGL, o Prémio Ângelo Casal estabeleceu-se que, quer houvesse ganhos, quer nom 5% das vendas da Galicola se destinassem a um ‘fundo polo galego’.
A quantia deste fundo constitui, na íntegra, o prémio para projectos ou colectivos implicados com a língua galega. Após se apresentarem os candidatos -o prazo expirou no passado 31 de dezembro-, o prémio decidiu-se por votaçom popular, onde cada etiqueta da Galicola valeu por um voto.
Depois do reconto, os resultados deram como ganhadora do prémio a MpL. Outras entidades candidatas foram a Associaçom Galega da Língua (AGAL), a A.C. Foucelhas, a Escola Popular Galega e a Gentalha do Pichel.
+ Ligações relacionadas:
