PGL – A Ciberirmandade da Fala tem um novo objectivo, fazer que a companhia asseguradora Génesis cumpra o seu suposto compromisso com a língua da Galiza. Embora a empresa manifeste a possibilidade de contratar em galego, actualmente na Galiza só é possível formalizar a apólice com a companhia em língua espanhola.
Segundo a virtual irmandade normalizadora, a companhia asseguradora Génesis afirma no artigo 14 dumha das suas apólice que «o contrato de seguro poderá formalizar-se, a eleiçom do tomador, em qualquer umha das línguas espanholas oficiais no lugar no que aquele seja formalizado». Porém, na realidade, os clientes galegos nom podemos dispor dos contratos desta asseguradora na nossa língua porque, contraditoriamente, incumpre os compromissos que ela mesma formaliza.
Nesta nova ciber-campanha, a irmandade apela ao povo galego para enviar um prego explicando a desconformidade com este tratamento à nossa língua nas suas apólices e no seu web, onde também tenhem a opçom de catalám, mas nom de galego.
A ciberirmandade oferece um modelo de mensagem que pode ser enviado para o co-e atencionalcliente [arroba] libertyseguros.es:
Escrevo para exponher a minha queixa perante o comportamento irregular da sua asseguradora para com os clientes galegos. Segundo manifesta o ponto 14 de umha apólize que os senhores oferecem:
«El contrato de seguro podrá formalizarse, a elección del tomador, en cualquiera de las lenguas españolas oficiales en el lugar en que aquel se formalice.»
Pois bem, quero lembrar-lhes que o galego é umha das línguas oficiais às que os senhores fazem referência. Porém as suas apólices nom estám disponíveis neste idioma. Isto, que supom o incumprimento de umha parte do seu contrato, para mim é suficiente para pôr em dúvida a sua credibilidade como empresa. Por esta razóm desboto a possibilidade de contratar um seguro com os senhores se está situaçom nom se regulariza satisfatoriamente para os clientes galegos. Somos muitos os que observamos no respeito polo plurilingüismo um plus para a boa imagem de umha companhia.
Aproveito para lhes lembrar também que oferecer a alternativa do idioma galego no seu sitio web é indispensável para demonstrar que estamos a tratar cumha empresa que respeita a riqueza cultural que conforma nos dias de hoje o estado espanhol. Polo tanto, e como possível cliente dos seus serviços, animo-os a corrigir estas carências que sem dúvida ajudaram a melhorar a qualidade na atençom aos clientes galegos e a sua própria competitividade. Assumindo como normal o que é normal socialmente ponheram-se à altura doutras empresas que sim cumprem com o meu idioma.
Cumprimentos
+ Ligaçons relacionadas
