PGL – Amanhá, terça-feira dia 6 de Abril, o jornalista e ensaísta José Luís Gómez Gómez participará dentro do ciclo Língua, Literatura e Naçom, que organiça a AC O Facho, da Corunha, numha palestra que versará sobre Galego e Meios de Comunicaçom.
José Luís Gómez Gómez é fundador do diário de papel e de Xornal.com. Trabalhou como redactor, chefe de secçom, redactor-chefe e director do diário La Voz de Galicia entre 1982 e 1999. Foi director de Coordenaçom de Publicaçons e de Comunicaçom de Grupo Zeta, até 2003 onde se tinha incorporado, em 1999, como director editorial da Divisom de Imprensa Diária. Foi chefe da Secçom de Economia e coordenador do suplemento Economia e Finanças de La Voz de Galicia, entre 1987 e 1995. Nos anos 98 e 99 exerceu como director editorial do Grupo Voz, ao que entom pertenciam quatro jornais e a emissora Radiovoz. Ademais, foi conselheiro de diários como La Voz de Galicia, La Voz de Baleares, Atlas Galicia e Xornal Galinet.
No plano académico, dirigiu um curso da UIMP (1998) sobre o sector da comunicaçom e foi professor do Mestrado em Jornalismo da Universidade da Corunha, assim como membro da Comissom de Meios de Comunicaçom da Fundaçom de Ajuda contra a Drogadiçom (2002-03). Também é autor dos livros dos quais sublinhamos: A vueltas con España, Galícia ante la CEE, Economía de las Comunidades Autónomas. Galicia.
Dia: 6 de Abril 2010 – Hora: 8 do serám
Local: Fundaçom Caixa Galiza
Cantom Grande – Corunha
+ Ligaçons relacionadas:
