Youtubeiras é umha iniciativa para impulsar a criaçom em galego no youtube, umha das redes sociais mais grandes e influentes do mundo. Na passada semana decorreu a quinta ediçom da Gala anual apresentada polas Tanxugueiras.
A ediçom deste ano destacou a formaçom especializada online e a normalizaçom do uso do galego nesta rede social. A contia dos galardons ascende a 7500€ e a notoriedade do evento aumenta a cada ano, em particular entre a gente mais nova.
O prémio à qualidade linguística foi para o canal Neeumatiko, de Nee Barros, reintegracionista e socie da AGAL. O jurado destacou “o seu domínio da língua e da capacidade de abrir debate com temas como a linguagem inclusiva ou a norma reintegracionista”. No seu discurso de aceitaçom do prémio, ademais, dedicou-lho ao consultório linguístico da AGAL, a conta de Twitter @emgalego.
O prémio à qualidade linguística foi para o canal Neeumatiko, de Nee Barros, reintegracionista e socie da AGAL. O jurado destacou “o seu domínio da língua e da capacidade de abrir debate com temas como a linguagem inclusiva ou a norma reintegracionista”.
Também foi premiado como melhor youtubeiro e com o melhor vídeo o boirense Olaxonmario, polo conteúdo com o Portuguese with Leo, conteúdo que na altura noticiou também este portal.
Lista de canais ganhadores:
Prémio Canal: O Son das Ideas
Prémio Youtubeiro: Olaxonmario
Prémio Vídeo: Olaxonmario
Prémio Qualidade Linguística: Neeumatiko
Prémio Impacto: Pablo Rodríguez Vila
Prémio Qualidade Técnica: Toxío
Prémio Comunicaçom: AstroXabi
Prémio Criatividade: Cousas RarismASMR
Prémio Musical: Cousxs
Prémio Didático: Xacobo de Toro Cacharrón
Prémio Pioneiro: Recuncho Gamer
Prémio do Público: Orgullo Galego (polo vídeo: Conversas con Anselmo López Carreira: O reino medieval de Galicia)
Youtubeiras é umha iniciativa organizada polos serviços de normalizaçom linguística dos concelhos da Banha, Ames, Moanha, Negreira, Ogrove, Ponte Vedra, Ribadeu, Compostela, Teo e Rianjo, das universidades da Corunha, Santiago de Compostela e Vigo e da Deputaçom da Corunha.
