PGL – A plataforma cívica Queremos Galego organiza o festival ‘Música contra o decretaço’, que terá lugar amanhá em Ponte Vedra para demonstrar que a cultura galega «nom está nem ‘emsimesmada’ nem complexada», como tinha afirmado Roberto Varela, responsável da Junta da Galiza no plano cultural.
O concerto, contará com a participaçom de quinze grupos, a saber: Berrogüetto, Ruxe-Ruxe, Luar na Lubre, Zurrumalla, Fuxan os Ventos, Os 3 Trebóns, A Quenlla, Fía na Roca, García Mc, Galegoz, Lamatumbá, Os Carunchos, Espido, Uxía Senlle e membros da Associaçom de Gaiteiros Galegos.
Ademais, a plataforma anunciou o início de umha nova campanha de recolhida de assinaturas, com o intuito de reunir na Galiza 15.000 apoios para que o Parlamento galego debata umha iniciativa legislativa popular (ILP) contra o decreto.
Cartaz do Festival
