PGL – O organismo com labor consultivo para o Parlamento Europeu, e que recentemente censurara a política lingüística da Junta da Galiza, anuncia o fim da sua actividade. Promovida desde o Parlamento Europeu, a EBLUL constituíra-se como colectivo nom governamental e tinha rango de entidade consultiva da instituiçom europeia e das Naçons Unidas.
Na nota de despedida chamam o conjunto de organizaçons independentes locais nascidas ao abrigo do EBLUL a continuar no futuro o trabalho iniciado a nível europeu na promoçom das línguas menorizadas. O fechamento da EBLUL tem a ver com razons orçamentares.
No caso do galego, da EBLUL advertiam ao Governo galego que «as medidas adoptadas contra a língua galega desde o passado mês de Abril acarretam umha vulneraçom de tratados internacionais sobre direitos lingüísticos subscritos polo Estado espanhol». Nesta linha, explicavam a sua vontade de trasladar a denúncia da situaçom aos diferentes foros internacionais nos quais se integra o colectivo.
