PGL – Perto de cem alunos e alunas do Berço participarám num programa de estadia na Galiza para complementarem a sua aprendizagem da língua galega, dentro do programa de ensino de galego que tem em andamento a Secretaria Geral de Política Lingüística nas comarcas do Berço e da Seabra.
Na actualidade, perto de 1.100 pessoas aprendem galego na sua variante oficialista na província de Leom, das quais 1.031 som estudantes de centros do ensino primário e do secundário. As 65 pessoas restantes estudam língua galega na Escola Oficial de Idiomas de Ponferrada.
O galego estremeiro
Apesar de que o galego é a língua própria da Galiza, o seu uso estende-se mais alá das fronteiras administrativas da comunidade autónoma. Com a denominaçom de “galego estremeiro” fai-se referência ao galego falado historicamente em territórios da antiga Gallaecia, entre os que se encontram províncias que hoje nom pertencem à comunidade galega.
