Depois da campanha Aqui tamén se fala galego, o alunado de Ensino Secundário do IES Rafael Dieste do bairro da Agra do Orçam lança nova campanha, esta vez focada na música no nosso idioma feita na Galiza.
De novo, o professor Alberto Pombo -ex-diretor do PGL- trabalha com a alunado para além da língua e a literatura, também no ámbito da consciência linguística, ativando o interesse no galego por parte da rapazada. Aliás, Pombo é especialista nas ligações entre música e literatura, tendo feito umha tese de doutoramento focada neste particular, intitulada: Verso e acorde: Relacións entre literatura galega e música (1960 – 2000).
O professor Alberto Pombo -ex-diretor do PGL- trabalha com a alunado para além da língua e a literatura, também no ámbito da consciência linguística, ativando o interesse no galego por parte da rapazada.
Desta volta, a atividade proposta é a pesquisa e compilaçom de referentes musicais na nossa língua feita na Galiza.
“A música galega já tem predicamento entre a mocidade corunhesa que estuda no Dieste. Mocidade que, com esta nova iniciativa normalizadora, pretende sumar mais umha força para espalhar cultura e língua, agora em forma de música, por fora dos muros do instituto”, sinala o professor desde o centro do bairro corunhês da Agra do Orçam.
Dumha primeira listagem com 40 recomendaçons passou-se a umha grande proposta, com artistas de todos os estilos musicais, que já suma mais de 250 temas feitos na Galiza e em galego. Entre as que aparecem nomes como Rebeliom do Inframundo ou Liska, que adirem à prática reintegracionista, e outras bandas do mais diversas como podem ser Fillas de Cassanda, C Mirazo, Boyanka Kostova, Luar Na Lubre, Zavala, Hydn, SÉS, Ataque Escampe, The Rapants ou Quartzo.
Ademais som várias já as e os artistas que tenhem enviado vídeos de agradecimento ao alunado que participa na iniciativa, parabenizando-os polo seu labor.
A listagem pode ser escuitada aqui:
