PGL – Fala-me galego! é o programa de conversas que o Centro Galego de Barcelona e a Plataforma Defensem la llengua gallega (“Defendamos a língua galega”) ponhem em andamento para proporcionar à sociedade catalá e galego-catalá a possibilidade de praticar o galego num contexto real na Catalunha, fora das aulas de aprendizagem do idioma.
Este programa apresenta duas modalidades: o intercámbio lingüístico galego-catalám, no qual os dous participantes praticarám o idioma que aprendem, ao tempo que ajudam na aprendizagem do idioma que falam, e o voluntariado de galego, no que se desenvolvem apenas conversas em galego.
Esta iniciativa vai dirigida a cataláns que estám aprendendo o galego em Barcelona, aos quais nom lhes é doado encontrar contextos reais, fora das aulas, onde praticar o idioma; mas também a galegos afincados na cidade, já que lhes permitirá umha rápida integraçom na sociedade catalá.
