PGL – O Centro Social Aturujo, de Boiro, celebra o segundo aniversário com umha festa que terá lugar entre os dias 19 e 20 de Fevereiro. Quico Cadaval, Os cangrexeiros ou Quempallou, entre outros, fam parte do cartaz e da programaçom especial para a celebraçom.
A festa começa na sexta-feira dia 19 às 21h30, com umha ceia no centro social composta por omelete de patacas, salada de massa, carne, vinho, pam e café. O preço da refeiçom é de 10€. A seguir, o conta-contos e escritor Quico Cadaval será o encarregado de pôr o toque de humor à noite. Às 23h30 haverá um concerto de Os cangrexeiros.
Já no Sábado, dia 20, as actividades começarám às 17h30 com a actuaçom de todas as agrupaçons de baile do concelho de Boiro, na praça da Câmara municipal, onde o CS Aturujo instalará um balcom. Às 20h30, um cortejo irá da praça até o local social sob o lema ‘Dous anos remando polo galego’. Afinal, o pessoal do Aturujo lerá um manifesto. Já no local social, por volta das 21h30, haverá umha ceia grátis composta por empada, omeleta, pizza, chouriço asado, sandes etc.
A música irromperá no local da mao dum grupo de cantareiras, que darám passo ao concerto da mítica banda Quempallou.
+ Informaçom
