PGL – Bieito Lobeira e Teresa Táboas, deputados do Grupo Parlamentar do BNG, apresentárom à Mesa da Cámara autonómica umha pergunta para a sua resposta escrita relativa aos cortes no envio de livros destinados à aprendizagem de galego na Venezuela.
Desde há anos, o Governo galego facilita livros de graça ao Colégio Castelao de Caracas, na Venezuela, para ministrar aulas da nossa língua a nenas e nenos do primeiro ao sexto grau de ensino. Neste ano, segundo denuncia o Bloco Nacionalista Galego, a «cacarejada política de austeridade» da Junta da Galiza apenas facilitará um único livro por grau, o que «impossibilita na prática um aproveitamento racional do material didáctico», explicam os deputados.
Para o BNG, esta decisom é «coerente com a orientaçom política que o Governo do PP está a desenvolver, de combate aberto com todo o que tenha a ver com a língua galega e cultura da nossa naçom».
Atendendo a isto, os deputados Lobeira e Táboas perguntam à Mesa do Parlamento:
1 . Qual é o motivo real do drástico corte no envio de livros para ministrar aulas de galego no Colégio Castelao de Caracas, na Venezuela?
2 . É consciente do impacto que implica esta decisom?
3 . Tem previsto, em conseqüência, modificá-la e tornar ao que antes se fazia, isto é, o envio de livros em funçom do número de alunas e alunos?
