Conselho da AGAL – O Conselho da AGAL, reunido em sessom ordinária no dia 25 de Abril, analisou o acordo de contrataçom adoptado o dia 21 de Fevereiro, a proposta da comissom designada entre os membros do Conselho para fazerem a selecçom, mas cuja execuçom, no próprio acordo, ficara demorada para garantir o máximo de sucesso associativo e a viabilidade da associaçom tendo em conta qualquer circunstância.
Após o exame da situaçom económica, das necessidades presentes que temos para melhorar a nossa projecçom social na sociedade em geral e de promoçom e defesa dos valores que nos identificam, assim como para garantir a angariaçom de recursos, o Conselho acordou a contrataçom de:
José António Cidre (conhecido no mundo do activismo na rede, como Medúlio), arquitecto formado na Catalunha e só recentemente instalado na Galiza, com grande experiência e capacitaçom no campo da informática, na gestom e elaboraçom de páginas web e servidores, assim como na sua reforma e actualizaçom constante. Será contratado a tempo completo polo período de um ano, com o tempo de práticas estabelecido no convénio laboral de aplicaçom.
Alberto Pombo Anhom, de formaçom licenciado em filologia galega, com experiência de estância dum ano no Porto e bom domínio do padrom internacional, experiência de trabalho jornalístico e no activismo lingüístico social. Será contratado a tempo parcial, com o tempo de práticas estabelecido no convénio laboral de aplicaçom.
As duas pessoas devem enviar à sede da AGAL cópia compulsada dos seus bilhetes de identidade e cartom da segurança social.
