PGL – Começa amanhá o Congresso Internacional ‘Pontes de cultura, pontes de futuro’, focado nos 15 anos do evento destinado à reflexom e debate sobre a iniciativa de comunicaçomm que nascia nas margens do Minho em 1995 sob a designaçom de Ponte…nas ondas!
Os ámbitos que aborda o Congresso som: a educaçom, a inovaçom, o património, a cultura, as TICS e os meios de comunicaçom, e para isto, Ponte…nas ondas! convidou para participar neste Congresso destacados especialistas dos diversos campos de trabalho da Associaçom.
Na inauguraçom, que terá lugar na sexta-feira, dia 23 de Abril às 17h00, vam intervir: Xesús López (vereador de Cultura da Câmara de Vigo), Rui Solheiro (presidente da Câmara de Melgaço), António Leite (director regional de Educaçom do Norte) e Alfonso Cabaleiro (secretário geral de Meios da Junta da Galiza).
A conferência inaugural (aberta ao púbico) estará a cargo do jornalista Manuel Campo Vidal que falará da importância da comunicaçom na educaçom. No mesmo dia, o presidente da Sociedade Espanhola de História da Educaçom, o professor da Universidade de Santiago de Compostela, Antón Costa Rico, destacará a importância da experiência de Ponte…nas ondas! no contexto da renovaçom pedagógica.
Também neste primeiro dia será apresentado o documentário “Pontes de palavras“ que apresentará colaboraçons especiais como a da jornalista Julia Otero.
O segundo dia do Congresso estará centrado na experiência radiofónica e pedagógica de Ponte…nas ondas! e contará com a participaçom do jornalista Iñaki Peña (criador do programa Trébede de Radio 3) e do jornalista chileno Walter Blas (fundador da Associaçom Internacional de Rádios Educativos. AIRE). O papel do património cultural galego-português, como motor da Euro-regiom Galiza-Norte de Portugal terá também umha presença destacada nesta segunda jornada do Congresso. Para analisar as potencialidades deste património, estarám no Verbum, de Vigo, destacados antropólogos galegos e portugueses como Xerardo Pereiro, Santiago Prado, Nieves Herrero, Cristina Sánchez Carretero, Álvaro Campelo, Xose M. González Reboredo, Alexandre Parafita, Carlos Nogueira e Antonio Reigosa. A antropóloga canadiana Sharon Roseman vinculará o futuro da Euro-regiom com o património comum galego-português e fornecerá dados sobre as possibilidades da sua valorização.
Os pedagogos Xosé M. Cid e Xesús Rodríguez, Professores das Universidades de Vigo e de Santiago de Compostela, partilharám a mesa com professores do ensino secundário e primário para analisar a sua experiência de participaçom nas actividades de Ponte…nas ondas!
Já no domingo, 25 de Abril, a actividade desenvolverá-se em Melgaço, onde se apresentará o trabalho literário e musical que Ponte…nas ondas! edita, a propósito destes 15 anos de actividade: Cores do Atlântico.
Esta apresentaçom estará a cargo da Professora holandesa da Universidade de Poitiers, Ria Lemaire, autora do texto do livro-disco, que situa, na tradiçom oral galego-portuguesa a origem das Cantigas de Amigo. Para falar da parte musical do projecto estarám as cantoras Socorro Lira, do Brasil e Uxía, da Galiza.
O Congresso encerrará com o concerto Pontes no Atlántico com os artistas: Socorro Lira (Brasil), João Afonso (Portugal) e Uxía (Galiza e e terá uma dedicatória especial à figura de Zeca Afonso.
Às actividades do Congresso foram atribuídas 21 horas de formação, para os professores participantes.
+ Ligaçons relacionadas:
