PGL – Coincidindo com a reuniom do Conselho Escolar da Galiza que debaterá a futura norma, a Plataforma Queremos Galego convoca para amanhá, quarta-feira dia 7 de Abril, umha concentraçom de rejeiçom contra o decretaço.
A plataforma tenciona «reiterar as vezes que for preciso» a rejeiçom unânime que suscitam nos diferentes sectores do ensino e na sociedade em geral «os planos de demoliçom da língua própria polo Partido Popular».
Chamam especialmente à participaçom dos diferentes agentes da comunidade educativa para que tanto dentro como fora» da reuniom do organismo consultivo «fagam sentir a voz que a Conselharia da Educaçom e a Secretaria Geral de Política Lingüística estám tratando de silenciar por todos os meios possíveis».
O movimento cívico de entidades a prol do nosso idioma próprio pretende que a sociedade «nom tenha qualquer dúvida» sobre a «natureza antidemocrática» de umha norma que nom tem mais apoios que os «desenhados na imaginaçom do Partido Popular».
