PGL – Terça-feira, dia 27 de Abril, começou em Santiago o Curso de Cultura Contemporánea Galega (CCCG) organizado pola Agal em parceria com a Cátedra UNESCO de Cultura Luso-Brasileira da USC e cujo desenho foi por conta de Holística, consultora para a Lusofonia.
Os assistentes ao curso receberám um certificado acreditativo de 30 horas (válido para concurso-oposiçom). Aliás, foi solicitado também um crédito da USC para todas as licenciaturas e diplomaturas das faculdades de Geografia e História, Filologia e Ciências da Comunicaçom.
Embora o prazo de inscriçom finalizou ontem, é possível participar de forma gratuita às diferentes actividades, que esta semana se componhem de:
- Dia 27: Culturas Tradicionais
- Dia 28: Culturas de Elite
- Dia 29: Culturas de massas
Os professores da USC Carlos Quiroga, Elias Torres, Ramom Flores das Seixas e José Pereira Fariña e o director de UNINOVA Gustavo Marcos serám os encarregados da parte teórica do curso. A parte presencial do CCCG integrará também umha série de mesas redondas em que participarám destacados agentes da cultura galega como Manuel Lourenzo, Séchu Sende, Anxo Quintela ou Sara Coleman e representantes de empresas e associaçons como A Central Folque, Vaca Films, a Sala NASA, o Xornal de Galicia, Xandobela, Etnoga, DeHistoria, Pazos de Galicia, Nove Grupo Gastronómico, AGASOL, Estaleiro Editora ou Komunikando.net.
O curso completará-se com 12 horas nom presenciais que compreenderám leituras, que serám entregues aos alunos polos organizadores, e a possibilidade de participaçom de um foro de debate na internet.
O desenho e desenvolvimento deste curso correm por conta de Holística. Consultora para a Lusofonia, S.L.
+ Ligaçons relacionadas:
