PGL – A magistrada do Julgado de Instruçom número 7 da Corunha chamou ontem a declarar a cinco jovens participantes num acto de defesa do galego que a Guardia Civil espanhola identificou como membros da organizaçom juvenil Briga.
Os imputados teriam participado numha contramanifestaçom para boicotar um acto contra o galego organizado pola Mesa por la Libertad Lingüística na Corunha no dia 8 de fevereiro de 2008, polo que poderiam serem castigados por terem impedido “o legítimo exercício das liberdades de reuniom ou manifestaçom”, segundo indica o artigo 514 do Código Penal do Estado espanhol.
Na altura, do PGL informamos dalguns dos colectivos que mostraram a sua rejeiçom às manifestaçons galegófobas daquele dia como a plataforma Causa Galiza, o centro social Revira, a organizaçom juvenil Briga, a Mocidade pola Língua, o partido político Nós-UP ou o sindicato CNT, que manifestárom de jeito explícito a sua rejeiçom à manifestaçom galegófoba que organizada por Galicia Bilingüe.
Imagem de arquivo da manifestaçom obtida do web de Nós-UP
