PGL – Anxo Louzao, secretário nacional da CIG-Ensino, analisou ontem a greve do ensino secundário que tivo lugar no passado dia 21, destacando a alta participaçom estudantil e denunciando a manipulaçom informativa por parte dos mídia públicos, aos que acusa de dar umha visom «distorcida da greve».
Na linha do anterior, o representante da principal força sindical entre o professorado galego exigiu à Conselharia de Educaçom retirar as bases para a derrogaçom do decreto do plurilingüismo.
Ainda, da CIG-Ensino advertem ao Governo que está «na mais absoluta solidom» e que o seu trabalho é caminhar para que se cumpra a Lei de Normalizaçom. Se nom rectificar, o sindicato anuncia que secundará as mobilizaçons que acorde a plataforma ‘Queremos Galego’.
