CS Revolta – O Centro Social Revolta, com o apoio da Associaçom Vizinhal e Cultural do Casco Velho, iniciou a recuperaçom da/o Merdeira/o há cinco anos. A história desta figura de entruido urbano, criada polas/os marinheiras/os do Berbés para ridicularizar as gentes do rural do entorno de Vigo, reflexa o enfrentamento entre o mundo rural e mundo marinheiro.
No seu dia, as pessoas do rural vigués que se aproximavam até à ribeira do Berbés a recolher o escabiche (refugalhos de peixes e algas) eram os e as Escabicheiras. Na escuridom da noite recolhiam estes restos para adubar as leiras à lus do seu candil.
Chegado o entruido os marinheiros e marinheiras do Berbés vestiam-se com roupas e elementos (cebolas, grelos, varas,…) que recordavam os escabicheiros e as escabicheiras e ridicularizavam o seu comportamento, exagerando-o. Utilizavam umha carouta que cobria a sua cara e eram mal falados. Sós ou bem em pares, saltavam polas ruas do que no seu dia foi o centro da cidade de Vigo (actual Zona Velha), provocando os risos e os arrepios de aquelas pessoas que ousavam cruzar-se no seu caminho.
Desde o CS Revolta [para este Entrudo 2009 e por volta desta figura] há preparadas varias actividades:
A segunda-feira 16 de Fevereiro decorreu umha charla-presentaçom da Asociaçom Etnográfica O Merdeiro.
O sábado 21 de Fevereiro, às 22h00, haverá um concerto de Os Chiquilicuatres (mais info.: http://www.chiquilicuatres.com). Bilhete: 2 €.
O domingo 22 de Fevereiro, às 14h00, há um Jantar Popular. Haverá cozido. Preço: 10 €.
O mesmo domingo, à tarde, Roger de Muskaria tocará umhas peças.
Terça-feira, 24 de Fevereiro, Roger de Muskaria fará pasar umha boa tarde ás crianças com os seus títeres.
