PGL – O dia 10 de janeiro, às 20h30, no Teatro Principal de Compostela, haverá umha nova cita com a cultura e a solidariedade, o festival Implícate, que chega já à sua quinta ediçom com um cartel cheio de espectáculos de música, dança, literatura e teatro para celebra-lo.
Na ediçom deste ano, na que será premiada a periodista Amelia García Hervella com o galardom Implicada do Ano, o espectáculo estará composto polas seguintes actuaçons:
Música:
- Carmen Rey e banda
- Susana Seivane
- Narf
Dança:
- Pisando ovos
Literatura:
- Antón Reixa
- Ana Romaní
- María Xosé Queizán
- Lino Braxe
Teatro:
- Cándido Pazó
- Patricia de Lorenzo
Os bilhetes para assistir ao evento já estám disponíveis para a venda em Caixa Galicia, quer na Rede, quer no telefone 902 43 44 43, sendo o seu preço 12€ para o público geral e 8€ para estudantes. Ademais, foi disponibilizada umha fila zero com preço de 5€ para as pessoas que nom podem achegar-se ao evento, mas querem colaborar com o projecto.
Ainda, haverá umha banca na que a associaçom disponibilizará para a venda diferentes produtos que financiarám futuros projectos do colectivo.
