CS Madia Leva – O Centro Social Madia Leva quer comemorar nesta terça-feira, 18 de Novembro, no hotel Méndez Núñez (rua Rainha – Lugo), o 90 aniversário da primeira «Asemblea Nazonalista» realizada na nossa cidade pelas Irmandades da Fala.
Na Assembleia 1918 estivérom representadas 67 sociedades agrárias, cinco centros culturais e mandárom a sua adesom cinco federaçons agrárias, onze concelhos, mais 49 associaçons e numerosas personalidades da Galiza.
Dela saiu o Manifesto Nacionalista, onde o galeguismo político deixa atrás o regionalismo. Este manifesto constitui a base comum de todos os programas do nacionalismo galego até a Guerra Civil. Nele define-se a Galiza como naçom, reclama-se a autonomia integral da Galiza e a co-oficialidade do galego.
Literalmente diz:
Tendo a Galiza todal-as caracteristicas esenciaes de nazonalidade, nós nomeámo-nos, de oxe pra sempre, nazonalistas galegos, xa que a verbe «rexionalismo» non recolle todal-as aspiraciós nin encerra toda a intensidade dos nosos problemas.
