Celebraçom do sexto aniversário do C. S. Gomes Gaioso



C. S. Gomes Gaioso – No próximo 25 de abril o Centro Social fai seis anos desde que, em 2008, abriu as suas portas ao público. Aquele dia convidou-se a uns petiscos no local para que as pessoas que assim o quigérom fôrom conhecer o centro social novo que havia no bairro de Monte Alto (Corunha).

Depois, os amigos de Trapallada e Ulträqäns tocárom para nós numha sala de concertos próxima. Ao dia seguinte jantar de convívio, o hip-hop de Nitram e Gende (Machina) e a música de Nelson Quinteiro completárom dous dias intensos de atos que encetavam o percurso de um projeto novo na cidade.

Este ano, após seis de caminhada, a entidade já está consolidada e assente no bairro e celebra o secto aniversário. Temos a honra de manter amizades como a de Nélson Quinteiro, que desta volta apresentará, como solista, o seu disco Gharbo (dia 24). Já no dia 26, mais umha amiga, Isabel Risco, fará um monólogo prévio à sessom de música galega que amenizará o resto da noite através de DJ Mourinho.

Ainda, a equipa de futebol gaélico Cascarilha, cujo local social é o Gaioso, trai-nos a coorganizaçom do terceiro tempo da Liga Gallaecia, o que implicará a estreia na Corunha da versom mista deste desporto.

Convidamos-te a que compartilhes connosco esta data e gozes das atividades que oferecemos, porque só com a tua presença é possível e fai sentido este esforço.

Cá tés o programa completo dos eventos:

24 de abril às 20h30

– Concerto de apresentaçom do Gharbo de Nelson Quinteiro (como solista).

26 de abril

-Jornada da Liga Gallaecia de futebol gaélico nos campos da Torre.
*17h Suévia (Compostela) – Torques (Lugo)
*18h30 Cascarilha (Corunha) – Ambilokwoi (Vigo)
*Terceiro tempo às 21h no Centro Social

-Degostaçom de petiscos às 21h00
-Monólogo de Isabel Risco às 21h30
-Música galega a partir das 22h


PUBLICIDADE