PGL – O presidente da Mesa pola Normalización Lingüística, Carlos Callón, publicou no diário Galicia Hoxe umha carta aberta ao presidente da Junta na que solicita ao Governo que rectifique a sua «nociva» política contra a língua própria da Galiza.
Na missiva, Callón enumera algumhas das medidas de desprotecçom do idioma galego adoptadas por Alberto Núñez Feijóo desde que assumiu o Governo da Galiza há quase oito meses. Também aproveita para lembrar-lhe ao presidente do PP galego que «o seu partido tem apenas um deputado mais que a oposiçom e apesar de que nas passadas eleiçons autonómicas contou com 5.000 votos menos que a suma dos sufrágios conseguidos polo PSdeG-PSOE e o BNG. Igual que deveria ter presente que ganhar umhas eleiçons nom é unha patente de corso para fazer o que se quiger em umha autorizaçom para destruir umha língua e umha cultura».
Na mesma linha do anterior, Callón recomenda-lhe a Feijóo que «nom se auto-engane pensando que umha acçom de agressons contra o galego vai receber o aplauso da gente nova ou dos habitantes das zonas urbanas, por falar de dous segmentos sociais que padecem de forma muito aguda a desgaleguizaçom».
O presidente da Mesa manifestou mais umha vez a disposiçom para o diálogo por parte da plataforma Queremos Galego (impulsionada e coordenada pola Mesa) e aproveitou para criticar as numerosas medidas contra o galego no sistema educativo.
+ Ligaçons relacionadas:
- Carta aberta ao presidente da Junta (Blogue de Carlos Callón)
