PGL – O portavoz de política lingüística do BNG, Bieito Lobeira, manifestou em sede parlamentar a disposiçom do BNG para tramitar, por via regulamentar, a Iniciativa Legislativa Popular impulsionada pola Plataforma Queremos Galego.
A ILP de Queremos Galego non será tramitada depois de que na Mesa do Parlamento o PSOE unisse o seu voto -o de Ricardo Varela- aos do Partido Popular. Com o apoio do BNG, a plataforma Queremos Galego conseguirá finalmente que o texto redigido polo colectivo na íntegra seja debatido no Parlamento galego.
Lobeira explicou que o Partido popular, com maioria na Mesa do Parlamento e com o apoio do membro do PsdeG, foi o responsável de impedir este debate, polo que exigiu umha explicaçom do acontecido.
«É um direito inalienável da Plataforma Queremos galego apresentar iniciativas em matéria lingüística», explicava Lobeira, que reafirmou o compromisso do BNG com a plataforma.
Para o deputado do BNG, o Partido Popular está a instrumentalizar o Parlamento galego de “maneira ignominiosa” e acaba de demonstrá-lo «com umha iniciativa proposta por unha plataforma, expressom organizada de milheiros de galegos e galegas e 600 entidades e colectivos e organizaçons sociais».
