PGL – Um estudo recente, elaborado polo Instituto Galego de Estatística, indica que quase a quarta parte das empresas da Galiza nunca utiliza o idioma próprio nas suas comunicaçons orais e que no caso das comunicaçons escritas, a cifra supera o sessenta por cento.
O estudo pom de manifesto que um 23,9 por cento das empresas do país nom usam “nunca ou quase nunca” o galego nas suas comunicaçons orais. A cifra sobe até os 61,6% no caso das comunicaçons escritas.
Ainda, no uso oral, 38,4% manifestou usá-lo “às vezes” e 37,7 “sempre ou quase sempre”. No caso dos textos escritos, apenas 14,7% das empresas utilizam o nosso idioma com assiduidade. Esporadicamente, a cifra situa-se nos 23,7%.
