PGL – A Associaçom Galega da Língua estará presente nas I Jornadas galegas de ediçom independente da mao de Miguel Penas, vice-presidente da associaçom e responsável pola área editorial. Participará numa mesa redonda no dia 2 de março, às 19:00 na Biblioteca Ângelo Casal de Compostela.
As entidades organizadoras das jornadas pretendem criar um espaço anual em que os agentes da ediçom independente galega podam reflectir sobre o estado do sector, sobre as suas estruturas e sobre as suas dinámicas de funcionamento. O evento será, com a finalidade de atingir estes objectivos, um lugar de encontro entre editoras independentes, associaçons culturais com produçom editorial, consumidores. No evento, os diferentes agentes da ediçom independente galega poderám participar de mesas de debate, palestras e apresentações de materiais com outros editores de Portugal, Euskadi e Madrid.
As apresentaçons, palestras e debates realizarám-se na Biblioteca Ângelo Casal de Santiago de Compostela entre os dias 2 e 5 de Março. Oferecemos a seguir a programaçom completa das jornadas:
Programaçom:
Terça-feira, dia 2 de Março:
17h: Apresentaçom do monográfico A civilización enferma | colectivo Ren de Ren
19h: Mesa redonda: «A paisagem indefinida. Ediçom independente na Galiza»
Participantes: Paco Macías (director de Edicións Positivas), Miguel R. Penas (director da Através | Editora —AGAL—), Tomás González Ahola (integrante de Urco Editora), Pepe Árias (director do projecto Corsárias), Carlos Figueiras (integrante de Estaleiro Editora)
Quarta-feira, dia 3 de Março:
17h: «Filosofia e cultura livre». Apresentaçom dos livros Outro xeito de ser. Introdución ao pensamento de Gianni Vattimo e Da revolta italiana á potencia da multitude. Introdución ao pensamento de Toni Negri (Estaleiro Editora, 2010) | Brais Arribas e Abraham Rubín, autores das obras e integrantes do projecto Derriba.
19h: Mesa redonda: «Fotocópia e difunde. Trabalhar com licenças livres». Participantes: Fran del Buey (colectivos PreSOS Galiza, Universidade Popular e Fundación sen Esquencer), Noel Feáns (jurista e responsável da Regueifa Plataforma), pessoa da organizaçom das Jornadas pola Cultura Livre de Vigo.
Quinta-feira, dia 4 de Março:
17h: Palestra: «Panorama da ediçom independente em Portugal» | Júlio Gomes, projecto Gato Vadio (livraria/café-bar, Porto)
19h: Mesa redonda: «Sabotagem na fronteira. Arte e subversom na Galiza contemporánea»
Participantes: Pablo Andrade (colectivo Maribolheras Precárias), García (activista e membro do colectivo de hip hop Dios Ke Te Crew), Suso Sanmartin (humorista gráfico e activista ludo-reintegracionista e ridiculista), Isaac Lourido (investigador)
Sexta-feira, dia 5 de Março:
17h: «A indispensável intransigência. Luitas anti-desenvolvimentistas em Euskal Herria». Apresentaçom do livro Los pulsos de la intransigencia (editado por Muturreko Burutazioak) | Josetxo Estebaranz, autor da obra
19h: «Actualidade do surrealismo». Apresentaçom da revista Salamandra e do jornal El Rapto | José Manuel Rojo, membro do Grupo surrealista de Madrid
22:30h: FESTA FIM DE JORNADAS (Bar As Duas, Praça da Oliveira) Urro (experimental) Ariel Ninas (sanfona electroacústica, ruídos e improvisaçom) Leitura dramatizada de Razons de peso (Estaleiro Editora, 2010) de Clara Gayo a cargo de Pinguela Teatro. Haverá também sorteio de livros.
+ Ligaçons relacionadas:
- I Jornadas Galegas da Ediçom Independente [PGL, 24/02/2010]
- Carlos Figueiras: «É problemático que se subsidiem produtos só por se escreverem na norma ‘oficial’ da língua galega» [PGL, 15/02/2010]
- Sítio web da Estaleiro Editora
- Mais notícias sobre a Estaleiro Editora no PGL
